Парплішчанская лыжня 2016
Лыжны сезон адкрыты
У гэтым годзе снег выпаў позна.
16 студзеня ў Парплішчанскай сярэдняй школе адбылося традыцыйнае адкрыццё лыжнага сезона.
Нягледзячы на мароз і вецер, спартсмены-школьнікі, настаўнікі і тэхнічныя работнікі сабраліся задоўга да пачатку старту.
Мерапрыемства пачалося з агульнага пастраення і падняцця сцяга капітанамі каманд. Пад бурныя апладысменты ўдзельнікі атрымалі пажаданні ад дырэктара школы Аксаны Эдуардаўны Палачанінай і разам з ёй выйшлі на стартавую прамую лінію. Для кожнай катэгорыі ўдзельнікаў былі падабраны адпаведныя дыстанцыі. Вы б бычылі, як нашы настаўнікі, нібы сапраўдныя спартсмены, беглі на лыжах, не адставалі ад іх і жанчыны тэхработнікі.
Камусьці было цяжка, і іх бралі на “буксір” старшакласнікі, хтосьці бег, не чуючы пад сабою лыжаў.
Амаль кожны лыжнік прывёў з сабой балельшчыкаў, якія гучна падтрымлівалі ўдзельнікаў на кожным крузе.
На фінішы ўсіх паілі гарбатай.
Спаборніцтвы атрымаліся вясёлымі і дынамічнымі.
