Маркевіч А. С.

Тэма ўрока: Аналіз крыві і яе захворванні

Мэта: Фарміраванне ўяўленняў аб агульным і біяхімічным аналізе крыві і яе захворванняў.

Задачы: стварыць умовы для фарміравання ўяўленняў аб агульным і біяхімічным аналізе крыві і яе захворванняў;   развіваць уменні параўноўваці, аналізаваць, абагульняць, вызначаць прычынна-выніковыя сувязі, рабіць высновы; прывіваць цікавасць да вучэбнага прадмету і да засваення біялагічных ведаў.

Тое, што мы ведаем, - абмежавана,

 а тое, чаго не ведаем, - бясконца.

 П. Лаплас

Ход урока

I. Арганізацыйны этап.

Настрой на ўрок: Добры дзень. А зараз павярніцеся сябар да сябра, паглядзіце адзін аднаму ў вочы, усміхніцеся адзін аднаму, пажадайце адзін аднаму добрага працоўнага настрою на ўроку. Цяпер паглядзіце на мяне. Я таксама жадаю вам працаваць дружна, адкрыць нешта новае.

II. Арыентыровачна-матывацыйны этап. Праверка дамашняга задання. Актуалізацыя ведаў.

• Пачнём з праверкі д/з. Давайце адкажам на пытанні пасля параграфа.
• Прапаную разгадаць красворд на тэму “Унутранае асяроддзе арганізма”.

ІІІ. Пастаноўка тэмы і мэты ўрока (разам з вучнямі). Матывацыя дзейнасці:

Звяртаюся да дэвізу ўрока.

Тое, што мы ведаем, - абмежавана,

 а тое, чаго не ведаем, - бясконца.

 П. Лаплас

V. Вывучэнне новага матэрыялу і першаснае замацаванне.

- Як вы лічыце, чаму незалежна ад прыроды захворвання ўрачы накіроўваюць пацыента на агульны аналіз крыві?

- Як вы лічыце, чаму сдаваць кроў патрэбна нашча?

Расказ пра аналізы і прагляд прэзентацыі.

- Давайце папрацуем з падручнікам, стар.98-99. Азнаёмцеся з захворваннямі крыві, назавіце прычыны і вынікі.

V. Абагульненне ведаў.

Давайце паўторым галоўнае.

З якімі метадамі лабараторнай дыягностыкі вы пазнаўміліся?

Якія існуюць найбольш небяспечныя захворванні крыві?

VI.Замацаванне матэрыялу.

Выкананне Д.д. “Асноўныя паказчыкі агульнага аналізу крыві”.

VII.Першасны кантроль і карэкцыя ведаў.

Выкананне тэставага задання “Аналіз крыві і яе захворванні”.

1.Пад уздзеяннем павышаных доз іанізуючага выпраменьвання развіваецца прамянёвая хвароба.

• Правільнае сцвярджэнне

Няправільнае сцвярджэнне

2.Сэпсіс (заражэнне крыві) - цяжкае захворванне, так як запаленчы працэс захоплівае:

толькі сэрца

толькі сэрца і печань

• увесь арганізм

3.Для выяўлення віруса імунадэфіцыту, усіх відаў гепатыту, адзёру, краснухі прызначаецца:

гарманальны аналіз крыві

• імуналагічны аналіз крыві

4.Пры наяўнасці падазрэння на парушэнне функцый залоз унутранай сакрэцыі прызначаецца:

• гарманальны аналіз крыві

імуналагічны аналіз крыві

5.Якія сцвярджэнні характэрызуюць агульны (клінічны) аналіз крыві?

• кроў бяруць з капіляраў безыменнага пальца
• метад дае ўяўленне аб колькасці эрытрацытаў, гемаглабіну, трамбацытаў і лейкацытаў у крыві

кроў бяруць з локцевай вены

метад дазваляе ацаніць работу печані, нырак і падстраўнікавай залозы

6.Якія сцвярджэнні адносяцца да серпападобна-клетачнай анеміі?

• можа прыводзіць да слепаты, лёгачнай ці нырачнай недастатковасці
• у крыві прысутнічаюць няправільнай формы эрытрацыты

у крыві прысутнічаюць няспелыя лейкацыты

можа прыводзіць да інфекцыйных ускладненняў, анеміі і дрэннага згусання крыві

7.Адметнымі рысамі прамянёвай хваробы з’яўляюцца:

у момант паражэння праяўляецца бледнасць скуры, галаўны боль, агульная слабасць і павышаная стамляльнасць

• адсутнасць у момант паражэння якіх-небудзь болевых або непрыемных адчуванняў
• часцей за ўсё працякае ў форме выяўленага прыгнёту кроваўтварэння

часцей за ўсё не паражае органы кроваўтварэння

8.Норма скорасці асядання эрытрацытаў (САЭ) у крыві пры правядзенні агульнага аналізу складае:

• у мужчын – 3-9 мм/г

у мужчын – 6-15 мм/г

• у жанчын – 7-12 мм/г

у жанчын – 9-17 мм/г

9.Агульны аналіз крыві паказвае колькасць клетак крыві, гемаглабіну і скорасць асядання эрытрацытаў. Страты крыві, недахоп жалеза і вітамінаў у ежы вызывае кароткачасовае або працяглае ў часе захворванне, якое называецца... . Пры гэтым у крыві адзначаецца нізкі ўзровень гемаглабіну і эрытрацытаў.

Правільны адказ: анемія

10.Выберыце ўсе правільныя адказы, якія характарызуюць тэму занятка:

аналіз крыві здаюць у абедзенны час пасля прыёму ежы

• надзейныя метады лабараторнай дыягностыкі – агульны, біяхімічны, гарманальны і імуналагічны аналізы крыві

навейшыя медыцынскія тэхналогіі як і раней не могуць дапамагчы з лячэннем анеміі, лейкозу і сэпсісу

• найбольш небяспечныя захворванні крыві – анемія, лейкоз, гемафілія, прамянёвая хвароба, сэпсіс

VIII.Падвядзенне вынікаў.

Рэфлексія.

Ці пашырылі вы сёння межы сваіх ведаў?

Што вас зацікавіла?

Ці спатрэбяцца вам атрыманыя веды?    

IХ. Д/З § 25

Тэст “Аналіз крыві і яе захворванні”

1.Згусанне крыві – ахоўная рэакцыя, якая засцерагае арганізм ад страты крыві.

А-Правільнае сцвярджэнне

Б-Няправільнае сцвярджэнне

2.Гемафілія – спадчыннае захворванне, пры якім:

А-парушаецца згусанне крыві і павышаецца тромбаўтварэнне

Б-парушаецца згусанне крыві і адбываецца закупорка крывяносных сасудаў

В-парушаецца згусанне крыві і ўзнікаюць частыя крывацёкі

3.Супрацьзгусальныя рэчывы ў арганізме чалавека:

А-перашкаджаюць тромбаўтварэнню

Б-павялічваюць кровазліцці ў мышцы і ўнутраныя органы

4.Рэзус-канфлікт – канфлікт пры цяжарнасці жанчыны:

А-калі рэзус-адмоўная жанчына выношвае рэзус-дадатны плод

Б-калі рэзус-дадатная жанчына выношвае рэзус-дадатны плод

5.У механізме згусання крыві ўдзельнічаюць наступныя бялкі плазмы крыві:

А-антыген

Б-фібрынаген

В-фібрын

Г-рэзус-фактар

6.У цяперашні час прыняты наступныя правілы пералівання крыві:

А-пераліванне аднагрупнай крыві – 0 (І) групу крыві толькі ў 0 (І) групу крыві

Б-пераліванне двух груп крыві – 0 (І) групу крыві ў А (ІІ) групу крыві

В-пры пераліванні крыві ўлічваецца рэзус-фактар

Г-пераліванне двух груп крыві – А (ІІ) групу крыві ў АВ (ІV) групу крыві

7.Выберыце ўсе правільныя адказы, якія характарызуюць тэму занятка:

А-у аснове згусання крыві ляжыць працэс утварэння нерастваральнага бялку фібрынагену

Б-па сістэме АВ0 вылучаюць чатыры групы крыві 0 (І), А (ІІ), В (ІІІ), АВ (ІV)

В-рэзус-фактар – асаблівы мембранны бялок эрытрацытаў, які сустракаецца толькі ў 15 % людзей

Г-кроў пераліваюць з улікам групы крыві і рэзус-фактару

8.Выберыце сцвярджэнні, якія характарызуюць донара:

А-хворы чалавек, якому пераліваюць чужую кроў

Б-чалавек, які дае ў медыцынскіх мэтах свой орган

В-чалавек, якому мяняюць хворы орган на здаровы орган

Г-здаровы чалавек, які дае сваю кроў

9.Выберыце сцвярджэнні, якія характарызуюць рэцэпіента:

А-хворы чалавек, якому пераліваюць чужую кроў

Б-чалавек, які дае ў медыцынскіх мэтах свой орган

В-чалавек, якому мяняюць хворы орган на здаровы орган

Г-здаровы чалавек, які дае сваю кроў